"Батыр жолы" Startup идеялары" II Облыстық конкурсы

2020 жылдың 24 қаңтарында Жоғары электроника және коммуникациялар колледжінде "50 табысты бизнес идея" жобасы және Қазақстан Республикасындағы жастар жылы аясында ТжКБ (техникалық бағыттағы) студенттері арасында "Батыр жолы" Startup идеялары" II облыстық конкурсы өткізілді.

Байқаудың басты мақсаты-жастарды ғылыми-экономикалық және инновациялық қызметке тарту болып табылады.

Конкурсқа Павлодар облысының 12 колледжінен 33 оқушы қатысты. Сайыскерлер жеребе тастау әдісімен үш топқа бөлінді: "Робототехника", "Жасыл экономика", "Қауіпсіз қала".

Студенттердің жұмысын қазылар алқасы бағалады:
- Иманшарипова Айнұр Жұмабайқызы - білім басқармасының ТжКБ әдістемелік кабинетінің меңгерушісі;
- Бергенов Серік Саинұлы - Павлодар облысы Кәсіпкерлер палатасы Адами капиталды дамыту бөлімінің сарапшысы;
- Шаймарданов Алибек Нариманұлы - "Қазақтелеком" АҚ филиалы Шығыс аймақтық телекоммуникация дирекциясы Павлодар жергілікті байланыс техникалық торабының менторы»;
- Сейтахметова Амина Булатовна-жастар кәсіпкерлігін дамытуға жәрдемдесу жөніндегі инспектор.
 
 

Байқауға қатысушылар өздерінің шығармашылық қабілеттерін және әлеуетін табысты ашып, іске асырды. Достық және өзара сыйластық атмосферасын жасай отырып, командада жұмыс істей білуін көрсетті.

  

  

"Батыр жолы" Startup идеялар байқауының жеңімпаздары "Қауіпсіз қала" құрама командасының қатысушылары болды.

Қазылар алқасының қарауына колледждер заманауи экономикалық тақырыптағы презентациялар ұсынды.

Тұсаукесер байқауында бірінші орын Жоғары электрондық және коммуникациялар колледжі студенттері әзірлеген «Қоғамның экономикалық мәселелері: өмір сүруге, жұмыс істеуге және демалуға кедергі?» тақырыбындағы презентацияға берілді.

2 орын презентация тақырыбы: "Кәсіпкерлік қызметте заманауи бизнес - модельдерді қолдану" - Ақпараттық технологиялар колледжі;

3 орын презентация тақырыбы: "Жастар қоғамының экономикалық мәселелері" - Павлодар техникалық сервис колледжі.